స్వస్తిక్ న్యూస్, స్పోర్ట్స్ :- క్రికెట్ మైదానంలో ఆటగాళ్ల ప్రతిభకు తోడు అభిమానుల పిచ్చి కూడా ఒక్కోసారి పరాకాష్టకు చేరుతుంటుంది. తాజాగా ఉప్పల్ స్టేడియంలో జరిగిన ఓ సంఘటన ఇప్పుడు నెట్టింట హాట్ టాపిక్గా మారింది. సన్రైజర్స్ హైదరాబాద్ (SRH), చెన్నై సూపర్ కింగ్స్ (CSK) మధ్య జరిగిన మ్యాచ్ సందర్భంగా ఓ అభిమాని చేసిన పని అందరినీ ఆశ్చర్యానికి గురిచేస్తోంది.
అసలేం జరిగింది?:-మ్యాచ్ ఉత్కంఠభరితంగా సాగుతున్న సమయంలో, గ్యాలరీలో ఉన్న ఒక SRH అభిమాని చేతిలో నిమ్మకాయ పట్టుకుని వింతగా ప్రవర్తించాడు. అతను నిమ్మకాయను చేతిలోకి తీసుకుని ఏవో మంత్రాలు చదువుతున్నట్లు నటిస్తూ, గాలిలోకి 'బుష్' అని ఊదగానే సరిగ్గా అదే సమయంలో మైదానంలో వికెట్ పడటం వీడియోలో స్పష్టంగా కనిపిస్తోంది.వైరల్ అవుతున్న 'బ్లాక్ మ్యాజిక్ లైవ్.ఈ వీడియోను ఎవరో రికార్డ్ చేసి బ్లాక్ మ్యాజిక్ లైవ్ అనే క్యాప్షన్తో సోషల్ మీడియాలో పోస్ట్ చేయడంతో అది కాస్తా వైరల్గా మారింది. ఈ వీడియోపై నెటిజన్లు రకరకాలుగా స్పందిస్తున్నారు.ఫన్నీ కామెంట్స్ఇతగాడి దెబ్బకు ప్రత్యర్థి జట్టు వణికిపోవాల్సిందే" అంటూ కొందరు జోకులు వేస్తున్నారు.ఎడిటింగ్ అనుమానాలు మరికొందరు ఇది కేవలం టైమింగ్తో కూడిన ఎడిటింగ్ వీడియో అని కొట్టిపారేస్తున్నారు.CSK ఫ్యాన్స్ రియాక్షన్ చెన్నై అభిమానులు సరదాగా స్పందిస్తూ, "మా జట్టుపై క్షుద్రపూజలు చేసిన ఇతనిపై వెంటనే ఫిర్యాదు చేయాలి" అంటూ ఫన్నీ కామెంట్స్ చేస్తున్నారు.మొత్తానికి క్రికెట్ అంటే కేవలం ఆట మాత్రమే కాదు, ఇలాంటి వింత నమ్మకాలు, ఫన్నీ సంఘటనల సమాహారం అని ఈ వీడియో మరోసారి నిరూపించింది.
