స్వస్తిక్ న్యూస్, ఆంధ్ర ప్రదేశ్ :- అమరావతి ఆంధ్రప్రదేశ్ రాష్ట్ర రాజధాని పేరు స్పెల్లింగ్కు సంబంధించి ప్రభుత్వం కీలక నిర్ణయం తీసుకుంది. ఇకపై రాజధాని పేరును ఆంగ్లంలో రాసేటప్పుడు 'AMARAVATHI' అని కాకుండా, చివరన 'TI' వచ్చేలా 'AMARAVATI' అని మాత్రమే వాడాలని స్పష్టం చేస్తూ ప్రభుత్వం ఉత్తర్వులు జారీ చేసింది.
ప్రధానాంశాలు:- అధికారిక ఆదేశాలు ప్రభుత్వ ప్రధాన కార్యదర్శి (CS) జి.సాయి ప్రసాద్ ఈ మేరకు ఒక సర్క్యులర్ను విడుదల చేశారు. ప్రభుత్వ రికార్డులు, నివేదికలు మరియు కమ్యూనికేషన్లలో ఈ మార్పును తక్షణమే అమలు చేయాలని ఆదేశించారు.
కారణం:- 2015లో ప్రభుత్వం రాష్ట్ర రాజధానిగా 'AMARAVATI'ని ప్రకటించినప్పటికీ, చాలా మంది కలెక్టర్లు మరియు ఇతర ఉన్నతాధికారులు తమ నివేదికలలో ఇప్పటికీ 'AMARAVATHI' అని తప్పుగా రాస్తున్నట్లు ప్రభుత్వం గుర్తించింది. గందరగోళం లేకుండా ఉండటానికి, అధికారికంగా నిర్ణయించిన 'AMARAVATI' అనే స్పెల్లింగ్ను మాత్రమే వినియోగించాలని ప్రభుత్వం ఈ సర్క్యులర్ ద్వారా స్పష్టం చేసింది.
రాష్ట్రవ్యాప్తంగా ఉన్న అన్ని ప్రభుత్వ కార్యాలయాలు, శాఖలు ఈ నూతన మార్పును ఖచ్చితంగా పాటించాలని ప్రభుత్వం సూచించింది.
