స్వస్తిక్ న్యూస్,త్రిపురాంతకం :- త్రిపురాంతకం పట్టణంలోని చారిత్రక శ్రీ త్రిపురాంతకేశ్వర స్వామి ఆలయ ప్రాంగణం ఈరోజు "యోగాంధ్ర" కార్యక్రమంతో యోగా చైతన్యంతో వెలిగిపోయింది. ఆరోగ్యం మరియు శ్రేయస్సును పెంపొందించే ఉద్దేశ్యంతో నిర్వహించిన ఈ కార్యక్రమంలో జిల్లా కలెక్టర్, పలువురు ఉన్నతాధికారులు మరియు రాజకీయ ప్రముఖులు ఉత్సాహంగా పాల్గొన్నారు. జిల్లా కలెక్టర్ శ్రీమతి ఎం విజయ సునీత గారు స్వయంగా యోగా మ్యాట్పై కూర్చుని, ధ్యాన ముద్రలో పాల్గొని యోగా ప్రాముఖ్యతను చాటారు.
అలాగే మార్కాపురం జిల్లా జాయింట్ కలెక్టర్ పులి శ్రీనివాసులు గారు కూడా నిలబడి, చేతులు పైకెత్తి యోగా ఫోజుల్లో పాలుపంచుకున్నారు. వీరితో పాటు యర్రగొండపాలెం నియోజకవర్గ ఇన్ చార్జ్ గూడూరి ఎరిక్షన్ బాబు, DRO శ్రీ శివ రామిరెడ్డి, DEO గారు, అధికారులు పాల్గొన్నారు.
యోగ గురువు రఘు గారి మార్గదర్శకత్వంలో నిర్వహించిన ఈ యోగా శిక్షణలో భారీ సంఖ్యలో యోగ సాధకులు, ప్రజలు, మరియు వివిధ పార్టీల కూటమి నాయకులు మరియు కార్యకర్తలు ఉత్సాహంగా పాల్గొన్నారు. ఆలయ మైదానం మొత్తం రంగురంగుల యోగా మ్యాట్లతో నిండిపోయింది. ప్రతి ఒక్కరూ ఒకే స్ఫూర్తితో యోగాసనాలు వేశారు.
ఈ సందర్భంగా పలువురు ప్రముఖులు మాట్లాడుతూ, రోజువారీ జీవితంలో యోగాను భాగం చేసుకోవడం ద్వారా మానసిక మరియు శారీరక ఆరోగ్యాన్ని పెంపొందించుకోవచ్చని పిలుపునిచ్చారు. ఈ "యోగాంధ్ర" కార్యక్రమం జిల్లా ప్రజలలో ఆరోగ్య అవగాహనను మరింత పెంచుతుందని వారు ఆశాభావం వ్యక్తం చేశారు.
