స్వస్తిక్ న్యూస్, పుల్లలచెరువు :- అంతర్జాతీయ యోగా దినోత్సవాన్ని పుల్లలచెరువు మండల కేంద్రంలో ఘనంగా నిర్వహించారు. ఎర్రగొండపాలెం నియోజకవర్గ టీడీపీ ఇన్చార్జ్ శ్రీ గూడూరి ఎరిక్షన్ బాబు గారి ఆదేశాల మేరకు, స్థానిక ఎంపీడీవో (MPDO) కార్యాలయంలో ఈ యోగా కార్యక్రమాన్ని ఏర్పాటు చేశారు. ఈ కార్యక్రమంలో వివిధ శాఖల అధికారులు, ప్రజాప్రతినిధులు, టీడీపీ నాయకులు మరియు కార్యకర్తలు పెద్ద ఎత్తున పాల్గొని సామూహికంగా యోగాసనాలు వేశారు.ఈ సందర్భంగా అధికారులు మరియు నాయకులు మాట్లాడుతూ.. "యోగాతో ఆరోగ్యం – ఆరోగ్యంతో ఆనందం" అనే సందేశాన్ని ప్రజల్లోకి తీసుకెళ్లారు. ప్రస్తుత ఉరుకులు పరుగుల జీవితంలో ఎదురయ్యే శారీరక, మానసిక ఒత్తిళ్లను జయించడానికి యోగా ఒక దివ్యౌషధంలా పనిచేస్తుందని వారు వివరించారు.
ప్రతి ఒక్కరూ తమ నిత్య జీవితంలో యోగాను ఒక భాగంగా చేసుకోవడం ద్వారా మెరుగైన ఆరోగ్యాన్ని సొంతం చేసుకోవచ్చని, తద్వారా ఆరోగ్యకరమైన మరియు ఆనందకరమైన జీవన విధానాన్ని అలవర్చుకోవాలని వారు పిలుపునిచ్చారు.ఈ యోగా కార్యక్రమంలో మండల రెవెన్యూ అధికారి (MRO) మల్లికార్జున నాయుడు , ఆరోగ్య శాఖ అధికారులు ప్రత్యేకంగా పాల్గొన్నారు. అలాగే రాజకీయ ప్రముఖులలో టీడీపీ మండల అధ్యక్షులు పోట్ల గోవింద్, మాజీ మండల అధ్యక్షులు పయ్యావుల ప్రసాద్, సీనియర్ నాయకులు పల్లపాటి బాదరయ్య, దోసపాటి గురునాథం, టీడీపీ ఎస్సీ సెల్ అధ్యక్షులు కేశనపల్లి బక్కయ్య, ఎంపీటీసీ యంగయ్య తదితరులు పాల్గొని యోగా సాధన చేశారు.
