సెన్సస్ నిబంధనలు అతిక్రమిస్తే భారీ జరిమానా, జైలు శిక్ష!

స్వస్తిక్ న్యూస్, ఆంధ్రప్రదేశ్:-

​అమరావతి:-  ఆంధ్రప్రదేశ్‌లో జనాభా గణన (సెన్సస్-2027)కు సంబంధించి ప్రభుత్వం కీలక మార్గదర్శకాలను విడుదల చేసింది. ఈ ప్రక్రియలో భాగంగా పౌరులు మరియు అధికారులు పాటించాల్సిన నిబంధనలను కచ్చితంగా అమలు చేయాలని ఆదేశించింది.

​ముఖ్యమైన తేదీలు ఇవే:- సెల్ఫ్ ఎన్యూమరేషన్: ఈ నెల 16 నుండి 30 వరకు ప్రజలు స్వయంగా తమ వివరాలను నమోదు చేసుకునే (Self-enumeration) అవకాశం కల్పించారు.​క్షేత్రస్థాయి గణన: మే 1వ తేదీ నుండి అధికారులు నేరుగా ఇళ్లకు వచ్చి వివరాలను సేకరించే ప్రక్రియ ప్రారంభమవుతుంది.

​ప్రభుత్వ హెచ్చరిక:-జనాభా గణన కోసం అధికారులు ఇంటికి వచ్చినప్పుడు, గృహ యజమానులు వారిని అనుమతించాలని ప్రభుత్వం స్పష్టం చేసింది. అధికారులు అడిగే ప్రశ్నలకు సరైన సమాధానాలు ఇవ్వడం పౌరుల బాధ్యత అని పేర్కొంది. ఒకవేళ ఎవరైనా:

​అధికారులను అడ్డుకున్నా,

​నిబంధనలను ఉల్లంఘించినా,

​తప్పుడు సమాచారం ఇచ్చినా...

​వారిపై చట్టపరమైన చర్యలు తీసుకుంటామని ప్రభుత్వం హెచ్చరించింది. నిబంధనలు అతిక్రమించిన వారికి భారీ జరిమానా లేదా జైలు శిక్ష విధించే అవకాశం ఉందని స్పష్టం చేసింది. ఈ నిబంధనలు కేవలం ప్రజలకే కాకుండా, విధుల్లో నిర్లక్ష్యం వహించే అధికారులకు కూడా వర్తిస్తాయని ప్రభుత్వం వెల్లడించింది.

​గమనిక:- జనాభా గణన అనేది దేశాభివృద్ధికి కీలకమైన ప్రక్రియ కాబట్టి, ప్రతి ఒక్కరూ అధికారులకు సహకరించి ఖచ్చితమైన వివరాలను అందించాలని అధికారులు కోరుతున్నారు.